Бислимската клисура е вистински скриен скапоцен камен на североисточниот регион.
Во непосредна близина на градот Куманово, низводно од вливот на Кумановка во Пчиња, природата ја изградила прекрасната Бислимска Клисура, која по своите карактеристики е меѓу најинтересните во Република Македонија. За клисурата и нејзините богатства малкумина знаат, иако станува збор за природна реткост која е оддалечена само 5 км од градот. Под името Бислимска клисура, е опфатен делот помеѓу ридот Краста од западната и ридот Голиќ од источната страна, односно длабоко всечената долина на реката Пчиња од с. Доброшане до с. Пчиња. Клисурата е долга само 7 км, но и на така мала должина има многу што да се види. Во народот овој простор се нарекува едноставно “Бислим” и веднаш асоцира на каменлив и мистериозен простор каде ретко кој поминува. Според сознанијата, името најверојатно потекнува од средновековното село кое се простирало во средишниот дел од клисурата, а кое се раселило кон крајот на 16 или 17 ти век т.е. за време на турското владеење.
Развојот на локалните капацитети е важен за развојот на целиот регион.
Проектот „Уредување и валоризација на спортско-рекреативниот центар Бислим“ е имплементиран од Центарот за развој на Североисточен плански регион, а е финансиран преку проектот „Одржлив и инклузивен рамномерен регионален развој“ финансиран преку Министерството за локална самоуправа и Швајцарската агенција за соработка и развој (СДЦ) застапувана преку Амбасадата на Република Швајцарија
No comment yet, add your voice below!